Home > சினிமா > நடிகை சித்ரா தற்கொலை புதிய தகவல்கள்

நடிகை சித்ரா தற்கொலை புதிய தகவல்கள்

நடிகை சித்ரா தற்கொலை செய்து கொண்ட விவகாரத்தில் அவரது கணவர் ஹேம்நாத் மீது தற்கொலைக்குத் தூண்டியதாக வழக்குப்பதிவு செய்து அவரைக் கைது செய்து சிறையில் அடைத்துள்ளனர்.

சித்ராவின் பெற்றோர் மற்றும் ஹேம்நாத்தின் பெற்றோரிடம் விசாரணை முடிவடைந்த நிலையில் சிறையில் இருக்கும் ஹேம்நாத்தை அழைத்து வந்து இன்று (வியாழக்கிழமை) ஆர்.டி.ஓ. விசாரணை செய்ய உள்ளார்.

இந்த நிலையில் தற்போது புதிய தகவல் வெளியாகி உள்ளது. இதில் ஒரு பிறந்தநாள் விழாவுக்குச் சென்றபோது சித்ராவுக்கும், ஹேம்நாத்துக்கும் காதல் மலர்ந்து பதிவுத் திருமணமும் நடைபெற்றது.

பாண்டியன் ஸ்டோர்ஸ் நெடுந்தொடரில், முல்லை – கதிராக இணைந்து நடித்த சித்ராவும், குமரனும் தங்கள் நடனத் திறமையைக் காட்டுவதற்காக காட்டிய நெருக்கம் அவர்களுக்குள் இறுக்கமாகி விடுமோ என்று சந்தேகம் கொண்ட ஹேம்நாத் சித்ராவைக் கேள்விகளால் துளைத்து எடுத்துள்ளார்.

மேலும் அது போன்று நெருக்கமான காட்சிகளில் தொடர்ந்து நடிக்கக் கூடாது என்று சித்ராவிடம் ஹேம்நாத் கூறி சண்டை போட்டதாகக் கூறப்படுகிறது.

நடன நிகழ்ச்சியில் வரவேற்புப் பெற்ற முல்லை – கதிர் ஜோடிக்கு இடையே விரிசல் விழும் நிலை ஏற்பட்டுள்ளது. கதிர் திருமணமானவர் அதனால் அவருடன் இனி தன்னால் ஆட முடியாது என்று முல்லையின் வாயால் பலரது முன்னிலையில் சொல்ல வைத்துள்ளார் ஹேம்நாத்.

தொடர் பாதிக்கப்பட்டுவிடக்கூடாது என்று சம்பந்தபட்ட குழுவினர் மீண்டும் அவர்களை டிக்டாக் மூலம் சேர்ந்து வைத்துள்ளனர்.

அதன் பின்னர் தான் ஹேம்நாத்துக்கு ஷாக் கொடுக்கும் விதமாக கதிர் முல்லைக்கு பல நெருக்கமான காட்சிகள் தொடரில் இடம்பெற்று உள்ளது.

இதற்கிடையே, பதிவுத் திருமணம் செய்து கொண்ட பின்னர் சித்ராவின் நடிப்பு வாழ்வில் அதிகமாகத் தலையிட்டுள்ளார்.

ஹேம்நாத் ஏற்கனவே வீடு கட்ட வாங்கிய கடன், கடனில் வாங்கிய ஆடி கார் என பல கடன்களும் கழுத்தை இறுக்கிய நிலையில் கணவன் ஹேம்நாத்தின் தொந்தரவு எல்லை மீறியுள்ளது.

ஒரு கட்டத்தில் தொடரில் நடிக்க வேண்டாம் என்று தடை போடும் நிலைக்குச் சென்றுள்ளார்.

இதையடுத்து மாமனார் ரவிச்சந்திரனிடம் செல்போனில் பேசிய சித்ரா, இன்னும் சில மாதங்களில் திருமணம் நடக்க இருக்கும் நிலையில் ஹேம்நாத் செய்யும் டார்ச்சர்கள் குறித்து கண்ணீர் விட்டுக் கதறியுள்ளார்.

சித்ரா ஹேம்நாத்தின் தந்தையிடம், ஹேம்நாத் தன்னை சந்தேகப்பட்டுக் கொடுமைப்படுத்தும் விசயத்தை செல்போனில் கூறி வந்துள்ளார்.

இந்தக் குரல் பதிவு சித்ராவின் செல்போனில் பதிவாகி இருந்த நிலையில் ஹேம்நாத் அதனை அழித்ததை சைபர் குற்றப் பிரிவு காவல்துறையினர் கண்டுபிடித்துள்ளனர்.

ரெகவரி சாப்ட்வேர் மூலம், அவர் பேசிய குரல் பதிவுகளை மீட்ட காவல்துறையினர் அந்தக் குரல் பதிவில் சித்ரா தனது மாமனாரிடம் தெரிவித்த புகார்களை ஆதாரமாகக் கொண்டு ஹேம்நாத்தை கைது செய்ததாகத் தெரிவித்தனர்.

ஹேம்நாத் ஏற்கனவே ஒரு பெண்ணை காதலித்து இருவரும் சுமூகமாக பிரிந்து விட்டனர் எனவும் காவல்துறையின தெரிவித்தனர்.

சித்ராவுக்கு ஹேம்நாத் கொடுத்த தொல்லைகள் குறித்து அவருடன் பணியாற்றிய நண்பர்களிடம் சித்ரா தெரிவித்ததாகக் கூறப்படுவதால் தற்போது நடிகர் நடிகைகள், தொழில்நுட்பக் கலைஞர்களிடம் விசாரணை நடைபெற்று வருகின்றது.

அவர்களை இந்த வழக்கில் சாட்சியாகச் சேர்ப்பதற்கு காவல்துறையினர் முயற்சி எடுத்து வருகின்றனர் என்று சொல்லப்படுகிறது.

You may also like
சித்ரா தற்கொலை செய்துகொண்டார் என்று நசரத்பேட்டை காவல் ஆய்வாளர் சார்பில் அறிக்கை
சித்ரா மரணத்தில் காவல்துறை சந்தேக வளையத்தில் சட்டமன்ற உறுப்பினர்
கோட்டூர்புரம் வீட்டில் சித்ரா உடல் பொதுமக்கள் அஞ்சலிக்காக வைக்கப்பட்டு உள்ளது
சின்னத்திரை நடிகை சித்ரா தூக்கிட்டு தற்கொலை

Leave a Reply