Home > தொடர்கள் > வளமான வாழ்க்கைக்கு தேவையான பழரசங்கள்! (2)

வளமான வாழ்க்கைக்கு தேவையான பழரசங்கள்! (2)

ஜூஸுக்கு எப்படிப்பட்ட பழங்கள் காய்கறிகளை வாங்க வேண்டும்?
  1. நல்ல தரமான பழங்கள் மற்றும் காய்கறிகளையே வாங்க வேண்டும்.
  2. செயற்கை முறையில் பழுக்கவைக்கப்பட்ட பழங்கள், பூச்சி கொல்லி மருந்துகள் அதிகம் உபயோகப்படுத்தப்பட்ட பழங்களைத் தவிர்க்க வேண்டும். ரசாயன கல்லைப் பயன்படுத்தி பழுக்கவைக்கப்பட்ட பழங்களினால் செரிமானக் கோளாறுகளும் உடல் உபாதைகளும் ஏற்படக் கூடும்.
  3. காய்கறிகளும் கூட, புதியனவாகவும் ஃப்ரஷ்ஷாகவும் இருக்க வேண்டியது அவசியம். காய்கறிகள் மற்றும் கீரைகள் நல்ல பச்சையாக இருக்கும்படி பார்த்துக் கொள்ள வேண்டும். மஞ்சள் மற்றும் பச்சை கலந்த மஞ்சள் நிறத்தில் இருக்கக் கூடாது.
  4. எப்பொழுதும் காய்கறிகள் மற்றும் பழங்களை சுத்தமான நீரில் கழுவி பயன்படுத்த வேண்டும். அழுகிய, கெட்டுப்போன பகுதிகளை வெட்டி எறிய வேண்டும்.
  5. பழங்களில் சாறு எடுத்தவுடன் குடிக்க வேண்டும். குளிர்சாதனப் பெட்டியில் வைத்து குடிக்கக் கூடாது.
  6. சாறு எடுத்தபின் சாறு எடுக்கும் இயந்திரத்தை நன்றாக சுத்தம் செய்ய வேண்டும்.
  7. கர்ப்பிணிகளும் இதர நோயினால் பாதிக்கப்பட்டவர்களும் 250ல் இருந்து 350 மில்லி வரை பழம் அல்லது காய்கறி சாறை குடிக்கலாம். ஒரு நாளுக்கு இரண்டு தடவையாக பிரித்து குடிக்கலாம்.
  பச்சிளம் குழந்தைகளுக்கு பழச்சாறுகள் கொடுக்கலாமா?
  1. பச்சிளம் குழந்தைகளுக்கு ஜீரண மண்டலம் எளிதில் பாதிக்கக்கூடியது.
  2. செரிமானம் ஆவதற்கு நீண்ட நேரமாகும்.
  3. அதனால்தான் குழந்தைகளுக்கு திரவ ஆகாரத்தை மட்டுமே  உட்கொள்ள கொடுக்கிறோம்.
  4. ஆறு மாதம் வரை குழந்தைகளுக்கு திட உணவு தருவதில்லை.
  5. ஆறு மாதங்களுக்கு பிறகு மசித்த உணவுகளைக் கொடுக்க தொடங்குவோம். அதற்கு பதிலாக சாத்துக்குடி, ஆரஞ்சு, திராட்சை சாறுகளை கொடுக்கலாம்.
  6. குழந்தைக்கு பிடிக்காத, அல்லது குடிக்க மறுக்கும் எந்த பழச் சாறையும் வற்புறுத்தி கொடுக்கக்  கூடாது. குழந்தைகளுக்கு கொடுக்கும் பழச்சாறுகள் சிறிது வெதுவெதுப்பாக இருத்தல் நல்லது. சாறுகளை மதியம் அல்லது மாலை நேரங்களில் கொடுக்கலாம். அப்போது, குழந்தைகள் விரும்பி குடிப்பார்கள். கூடுமானவரை மறுக்கமாட்டார்கள்.

You may also like
பழங்களில் அடங்கியுள்ள முக்கிய சத்துக்கள்
பழங்களில் அடங்கியுள்ள முக்கிய சத்துக்கள்
வளமான வாழ்க்கைக்கு தேவையான பழரசங்கள்! (1)

Leave a Reply