Home > கவிதை > நகாசு வேலைகள் செய்யப்பட்ட பொன்னணியைப் போல

நகாசு வேலைகள் செய்யப்பட்ட பொன்னணியைப் போல

தன் பிள்ளைகளிடமிருந்தோ கணவனிடமிருந்தோ

அண்டை அயலிடமிருந்தோ 

அவளுக்கு எப்படியும் வாய்த்துவிடுகிறதொரு துயரம்

தன் துயரத்தை நகாசு வேலைகள் செய்யப்பட்ட 

பொன்னணியைப் போல அவள் அணிந்திருக்கிறாள்

தெரிந்தவர்கள் அறிமுகமானவர்கள் அனைவருக்கும் 

அதை காட்டிக் காட்டி நிறைகிறாள் 

சொல்லொன்றைப் பற்றவைத்து, அதன் வெம்மையில்

மீள மீள தட்டியடுக்குகிறாள் துயரங்களின் புதுப் புது ரூபங்களை 

துயரங்களின் அனந்த ரூபங்கள் 

வரிசையில் காத்திருக்கின்றன அவளை தரிசித்து மகிழ.

துயரம் வாய்க்காத நாளொன்றில்

அவளை எதிரிட்டவர்கள்,

ஆபரணங்களை அணிவிக்காதுவிட்ட 

மூளிச்சிலையென அவள் கோலம் உறுத்துவதாய்

முணுமுணுத்துக் கடக்கின்றனர் அவசரமாய்!

You may also like
எத்தனை முறை சொல்லுவது
துயில் கொள்ள
தாலாட்டு
நான் நேசிப்பது உன்னை

Leave a Reply