Home > கவிதை > அடுக்கடுக்காய்… – ஆதனூர் சோழன் கவிதைகள்

அடுக்கடுக்காய்… – ஆதனூர் சோழன் கவிதைகள்

இதயம் தன் துடிப்புகளில்
தன்தேசம் தன்தேசம் என்றொலிக்கும்

பகுத்தறிவுப் பாதைகளில்
பயணம்போ பயணம்போ எனமுழங்கும்

இளையமகன் விழிகளிலே
ஒளியேற்று ஒளியேற்று எனச்சொல்லும்

வருங்காலப் பொழுதுகளில்
வெற்றிதான் வெற்றிதான் என்றென்றும்

வாழும்நாள் தேவைகளை
வளமாக்கு வளமாக்கு தேசமெங்கும்

சமூகத்தின் சரிவுகளை
சமமாக்கு சமமாக்கு எழில்வனமாய்

இனிவரும் முடிவுகளை
இனிதாக்கு இனிதாக்கு எனப்பொங்கும்

மக்களின் எழுச்சிகளை
கிளப்பிவிடு கிளப்பிவிடு நேர்வழியில்.

You may also like
அலங்காநல்லூரில் உதயநிதி பிறந்தநாள் விழா!
பேரூராட்சி சுழற்சிமுறை ஒதுக்கீடுகளில் அதிமுக சதி – முதல்வர் கவனிக்க கோரிக்கை
என்னதான் இருந்தாலும் ஜெயலலிதாவைப் போல வருமா?
நிழல்கள் – ஆதனூர் சோழன் கவிதைகள்

Leave a Reply